“Turkiston Sayyidlari va Eshonlari” xalqaro tashkilotining Markaziy Osiyo va O‘zbekistondagi qozoq millatiga mansub sulolalarning shajaralarini tadqiq etish va tasdiqlash bo‘limi ochildi
“Turkiston Sayyidlari va Eshonlari” xalqaro tashkiloti bosh ofisida yurtimizdagi qozoq millatiga mansub, Alash qozoq qabilalaridan bo‘lgan sulola vakillari ishtirokida ilmiy uchrashuv bo‘lib o‘tdi. Unda qozoqlarning Ulug‘ Juz, O‘rta Juz va Kichik Juz qabilalari hamda urug‘laridan bo‘lgan sulolalarning nasab shajaralarini tadqiq etish va xalqaro tasdiqlash masalasi ko‘rib chiqildi.
Natijada, “Turkiston Sayyidlari va Eshonlari” xalqaro tashkilotida Markaziy Osiyo va yurtimizdagi qozoq millatiga mansub sulolalarning nasab shajaralarini tadqiq etish va tasdiqlash bo‘limini ochishga qaror qilindi. Ushbu bo‘limga mas’ul va xalqaro tashkilotning qozoq millatiga mansub sulolalari bo‘yicha mintaqaviy vakili etib Abdumannop Sulaymonov tayinlandi.
Mazkur bo‘lim ikki qardosh millatlar o‘rtasida ilmiy hamkorlikni olib boradi, jumladan, shajarashunoslik va manbashunoslik sohasida manbalar almashinuvi, xalqaro ilmiy tadqiqotlarni amalga oshirish, Markaziy Osiyo, xususan O‘zbekistondagi qozoq millatiga mansub sulolarning shajaralarini tadqiq etish va xalqaro darajada tasdiqlash, millatlararo va elatlararo anjumanlar, konferensiyalar, ilmiy tadbirlar o‘tkazish faoliyati bilan shug‘ullanadi.
Abdumannop Sulaymonov - xalqaro tashkilotimizning qozoq millatiga mansub sulolalar bo‘yicha mintaqaviy vakili
ULUG' JUZ
O'RTA JUZ
KICHIK JUZ
«Turkiston Sayyidlari va Eshonlari» xalqaro tashkiloti MATBUOT XIZMATI
