“Turkiston Sayyidlari va Eshonlari” xalqaro tashkiloti rahbariga Turon fanlar akademiyasining akademigi unvoni berildi.
“Turkiston Sayyidlari va Eshonlari” xalqaro tashkiloti rahbari “Turkiston Sayyidlari va Eshonlari” xalqaro tashkiloti rahbari, taniqli olim va tadqiqotchi, doktor Sardorxon Jahongirga ilm-fan sohasidagi katta xizmatlari, shajarashunoslik yo‘nalishida olib borgan ko‘p yillik samarali izlanishlari, diniy-ma’naviy merosni saqlash va targ‘ib qilishdagi faoliyati uchun Turon fanlar akademiyasining akademigi unvoni berildi.
Mazkur faxriy unvon 2025-yil 27-iyul kuni bo‘lib o‘tgan tantanali marosimda topshirildi. Shu bilan birga, doktor Sardorxon Jahongir Turon fanlar akademiyasining maxsus ordeni bilan ham taqdirlandi. Ushbu mukofot, uning ilmiy va ma’rifiy yo‘nalishdagi fidokorona mehnatlariga berilgan yuksak e’tibordir.
Taqdimot marosimi yurtimiz ilmiy jamoatchiligi orasida katta e’tibor uyg‘otdi. Tadbirda mamlakatimizning nufuzli ilmiy arboblari – ko‘plab akademiklar, professorlar, taniqli olimlar bilan bir qatorda, diplomatik korpus vakillari ham ishtirok etdilar.
Tadbir doirasida doktor Sardorxon Jahongirning shajaralarga oid noyob eksponatlari, ilmiy izlanishlari asosida tayyorlangan ilmiy-ko‘rgazmali materiallar, shuningdek yaqinda nashrdan chiqqan va katta ilmiy-ommaviy ahamiyatga ega bo‘lgan “Qur’oni Karim ma’nolarining tarjimasi” ham ishtirokchilarga tanishtirib o‘tildi.
Shuningdek, tadbir davomida shajarashunoslik sohasidagi ilmiy izlanishlarni tizimli yo‘lga qo‘yish, bu yo‘nalishni yangi bosqichga olib chiqish maqsadida maxsus ilmiy tadqiqot institutini tashkil etish rejalari e’lon qilindi. Ushbu tashabbus, yurtimizda tarixiy meros, nasab ilmi va genelogik tadqiqotlarni chuqur o‘rganishga xizmat qiladi.
Bu unvon va mukofot nafaqat doktor Sardorxon Jahongirning shaxsiy yutuqlari, balki butun jamiyatimiz uchun faxr va g‘urur manbaidir. U kishining fidokorona xizmatlari kelajak avlod uchun bebaho ilmiy asos va ruhiy tayanch bo‘lib xizmat qiladi.
Hurmatli doktor Sardorxon Jahongirni ushbu yuksak e’tirof bilan chin yurakdan tabriklaymiz va kelgusi ilmiy faoliyatlarida yanada ulug‘ muvaffaqiyatlar tilaymiz.
Hurmat bilan,
“Turkiston Sayyidlari va Eshonlari” xalqaro tashkiloti ilmiy jamoasi.
