"Turkiston Sayyidlari va Eshonlari" xalqaro jamiyati raisi Xitoyning Tsinzyan Uyg’ur muxtoriyatining Qashqar shahridagi Sayyid Ofoqxoja avlodlari vakillari bilan uchrashdilar
"Turkiston Sayyidlari va Eshonlari" xalqaro tashkiloti raisi, Doktor Sayyid Sardorxon Jahongir Jiyloniy hazratlari Xitoyning Tsinzyan Uyg’ur muxtoriyatining Qashqar shahrida xizmat safarida bo'ldilar.
Xalqaro tashkilotimiz raisi Sayyid Sardorxon Jahongir Jiyloniy Qashqar shahridagi Sayyid Ofoqxoja avlodlari vakillari bilan uchrashdilar. Mazkur ilmiy uchrashuvda Sharqiy Turkistondagi va O’rta Osiyodagi maxdumi a’zamiy sayyidlarning mashxur namoyondasi Sayyid Ofoqxoja avlodlaridan bo’lgan Shayx Abdulaziz Majzub Namangoniy bobokalonlarining nomlari hamda sulola tarixi haqida qimmatli ma’lumotlarni aniqlashga muvaffaq bo’lindi.
Sayyid Ofoqxoja maqbarasi, Qashqar (Uyg'uriston)
Ushbu aniqlangan qimmatli ma’lumotlar natijasi o’laroq xalqaro tashkilotimizning manbashunos va shajarashunos mutaxassisi Sayyid Ilhomxon Baxodir Razzaviy Husayniy ko’magida sulolaning qadimiy qo’lyozma shajarasi aniqlandi.
Quyida Shayx Abdulaziz Majzub Namangoniyning bobokalonlariga tegishli qadimiy qo’lyozma shajara nusxasini Sizlarga qisman havola etishni ma’qul ko’rdik.
Sayyid Ofoqxoja avlodi Shayx Abdulaziz Majzub Namangoniyning bobokalonlariga tegishli qadimiy qo'lyozma shajara nusxasi
"Turkiston Sayyidlari va Eshonlari" xalqaro tashkiloti, MATBUOT XIZMATI
