Taniqli ulamo Abror Muxtor Aliy hafizahulloh "Turkiston Sayyidlari va Eshonlari" xalqaro tashkilotiga tashrif buyurdilar
Yurtimizdagi taniqli ahli ilmlardan bo’lgan domla Abror Muxtor Aliy hafizahulloh «Turkiston Sayyidlari va Eshonlari» xalqaro tashkilotining bosh ofisiga tashrif buyurdilar. U kishini xalqaro tashkilot raisi, islomshunos olim Sayyid Sardorxon Jahongir kutib oldilar. Abror Muxtor Aliy domla xalqaro tashkilotimiz olib borayotgan ilmiy faoliyatlar bilan yaqindan tanishib chiqdilar. Jumladan, yurtimizda birinchi marta nashr etilgan QUR’ONI KARIM ma’nolari o’zbek tiliga so’zma so’z tarjimasi yuzasidan fikr-mulohazalar bildirdilar. Shuningdek, shajarashunoslik va manbashunoslik faoliyatini olib borish, xalqimiz orasida oilaviy shajaralarni keng tarqatish va tar’gibot ishlarini olib borish yuzasidan fikr-mulohazalar almashildi hamda shu kabi ilmiy doirada qisqa suhbat bo’lib o’tdi. Ilmiy suhbat yakunida ushbu xayrli ishlar xalqimizga manfaatli bo’lishini so’rab duoi fotihalar qilindi.
Turkiston Sayyidlari va Eshonlari» xalqaro tashkiloti MATBUOT XIZMATI
