"Turkiston Sayyidlari va Eshonlari" xalqaro jamiyati Saudiya Arabistoni Qirolligining muqaddas Makkai Mukarrama shahrida o'zining rasmiy bo'limini ochdi

*Xushxabar

"Turkiston Sayyidlari va Eshonlari" xalqaro jamiyati Saudiya Arabistoni Qirolligining muqaddas Makkai Mukarrama shahrida o'zining rasmiy bo'limini ochdi.

"Turkiston Sayyidlari va Eshonlari" xalqaro tashkiloti raisi ustoz Sayyid Sardorxon Jahongir va tashkilotimiz bosh kotibi Sayyid Sarvarxon Abulqosimxon o'g'li Saudiya Arabistoni Qirolligining Madinai Munavvara va Makkai Mukarrama shaharlarida xizmat safarida bo'ldilar.

Xalqaro tashkilotimiz raisi Sayyid Sardorxon Jahongir Makkai Mukarramadagi nufuzli sayyidlar sulolasi vakili Shayx Ayman Mazhar janoblari bilan uchrashdilar. Shayx Ayman Mazhar janoblari bilan hamkorlik memorandumi imzolandi hamda "Turkiston Sayyidlari va Eshonlari" xalqaro tashkilotining Makkai Mukarramadagi rasmiy bo'limi ochildi.

Muqaddas shaharda tashkil etilgan mazkur bo'lim davlatlar o'rtasidagi ikki tomonlama ilmiy hamkorlikni olib boradi, jumladan, manbashunoslik va shajarashunoslik sohasida manbalar almashinuvi, xalqaro ilmiy tadqiqotlarni amalga oshirish, Markaziy Osiyo va Yaqin Sharqdagi shajaralarni xalqaro darajada tasdiqlash, xalqaro anjumanlar, konferensiyalar, treninglar va ilmiy tadbirlar o'tkazish faoliyati bilan ham shug'ullanadi.